Ҳозирги пайтда қиш мавсуми бўлганлиги сабабли туман ФВБ томонидан маҳалла фуқаролар йиғинларида ва мактаблар ҳамда мактабгача таълим муассасаларида фавқулотда содир бўлиши мумкин бўлган ҳолатлар юзасидан тушунтириш ва уларни олдини олиш бўйича тадбирлар бўлиб ўтмоқда. Ана шундай тадбирлардан бири 5-сонли умумтаълим мактаби, 11-сонли мактабгача таълим ташкилоти, Дам маҳалла фуқаролар йиғини ҳамда туман Архивларида ўтказилди.
Бундан мақсад қиш мавсуми давомида аҳоли ўртасида ис газидан заҳарланиш, электр иситгичлари ва ускуналаридан шунингдек ёш болаларни қаровсиз қолдириш натижасида юзага келаётган фавқулотда вазиятлар ҳақида аҳоли ўртасида тушунтириш ишларини олиб бориш билан уларни ҳушёрликка ва эътиборлироқ бўлишга чақириб кутилган натижага эришишдан иборатдир. 
Агарда юқоридаги вазиятлар пайдо бўлган пайтда қилиниши зарур бўлган биринчи чоралар юзасидан маслаҳатлар ва тушунчалар берилмоқда. Огоҳлик ва хавфсизлик биринчи ўринда туриши шунингдек жамиятда инсон омили нақадар эътиборда эканлиги ҳақида айтиб ўтилиб, аҳолини қизиқтирган соҳа билан боғлиқ саволларига батафсил жавоблар берилмоқда.
Туман ФВБ бўлинма бошлиғи О.Жахбаров.
