Туман прокурори ўринбосари Фаррух Примов тумандаги Жар, Амир Темур, Дўстлик диёри ва Қизилчовра маҳалла фуқаролар йиғинида истиқомат қилаётган ўқувчи ёшлар билан учрашди.
Учрашувда туман Халқ қабулхонаси, Бош вазир қабулхонаси ҳамда маҳалла фуқаролар йиғинлари вакиллари иштирок этишди.
Расмиятчиликдан чекинган ҳолда ёшлар ва прокурор учрашуви Жар маданият ва аҳоли дам олиши маркази санъат саройида ўтказилди.
Учрашувга 200 га яқин ёшлар иштирок этиб, ҳамкор ташкилот вакилларини ўзларини қизиқтирган саволларга жавоб беришга ундади.
Очиқ мулоқотда 8 нафар ёш йигит-қизлар томонидан билдирилган саволлар мутасадди раҳбарларни уйлашга мажбур қилди. Шундан 2 нафар ёшнинг кўтарган муаммоси жойида ҳал этилди. Ечими вақт талаб қиладиган муаммолар тегишли соҳа мутахасисларига ўрганиш учун юклатилди.
Учрашувнинг иккинчи қисмида ёшллар хазрат Навоий ва Бобурларнинг ғазал, рубоийларидан ёддан ўқиб беришди. Тадбир ниҳоясида ёшларга ҳамкор ташкилотлар томонидан китоблар совға қилинди.
