Маҳалла – Халқ қабулхонаси – сектор – маҳалла - мактаб

--- 10-фев, 16:249 1 413

Ҳар қандай улкан иш эзгу ниятдан бошланади. Ортда қолган 2019 йилга назар ташлаб, босиб ўтилган йўл, эришилган натижаларни таҳлил этар эканмиз, ана шу ҳаётий ҳақиқатга яна бир карра ишонч ҳосил қиламиз, - дейди Фуқароларнинг ўзини ўзи бошқариш органлари фаолиятини мувофиқлаштириш бўйича туман кенгаши раиси биринчи ўринбосари Бердимурод Жураев.

Бугун 10 февраль тумандаги 29-умумтаълим мактабида “Мактаб ва маҳалла” нинг ёшлар тарбиясида тутган ўрни мавзусида очиқ мулоқот ўтказилди. Унда туман ҳокими ўринбосари Хотин қизлар қўмитаси раиси Г.Сулаймонова, Фуқароларнинг ўзини ўзи бошқариш органлари фаолиятини мувофиқлаштириш бўйича туман кенгаши раиси биринчи ўринбосари Б.Жураев, Ўзбекистон ёшлар иттифоқи туман кенгаши раиси У.Мухаммадиевлар ҳамда мактаб ўқитувчилари маҳалла фаоллари иштирок этишди.

Ўтган вақт ичида фуқароларнинг ўзини ўзи бошқариш органлари тизимида қатор ютуқлар қўлга киритилдики, бунинг самараси кундан-кунга чирой очиб бораётган маҳаллалар қиёфасида, турмушимиз фаровонлигида, йиғинлардаги одамлар кайфиятида, маҳаллалар иш фаолияти самарадорлигида намоён бўлаётир.

Ёшлар маънавиятини тўғри шакллантириш, уларни Ватанга муҳаббат, эзгулик ва раҳмдиллик руҳида тарбиялаш, оилавий ажримларнинг олдини олиш, маҳаллалардаги муҳитни янада соғломлаштиришга муносиб ҳисса қўшиш, бу йўналишдаги саъй-ҳаракатларни бирлаштириш ва мувофиқлаштириш мазкур ҳамкорлик дастуридан кўзланган асосий мақсаддир, -дейди У.Мухаммадиев.

Хусусан, маҳалла ва мактабнинг жамиятдаги ролини ошириш, жамият ва давлат бошқарувидаги иштирокини таъминлашга қаратилган вазифалар ҳақида сўз юритилди. Жорий йилда ҳам уйма-уй юриш орқали аҳоли муаммоларини аниқлаш, бартараф этиш бўйича “Маҳалла – Халқ қабулхонаси – сектор – маҳалла - мактаб” ҳамкорлик тизими самарали равишда давом эттирилади. Ҳар бир фуқаролар йиғини бўйича ижтимоий-маънавий муҳитни соғломлаштириш бўйича ҳудуддаги муаммолардан келиб чиқиб, «Ҳаракатлар режаси» тайёрланади.

Оилавий ажримлар, вояга етмаганлар, хотин-қизлар жиноятчилиги, ўз жонига қасд қилиш ҳолатларининг олдини олиш мақсадида маҳалла раислари, хотин-қизлар билан ишлаш ва оилаларда маънавий-ахлоқий қадриятларни мустаҳкамлаш бўйича мутахассис, профилактика инспектори ҳамда унинг жамоат тартибини сақлаш бўйича ёрдамчиси ҳамкорлигини кучайтириш мақсадида намунали тизим ишлаб чиқилади, - дейди Г.Сулаймонова.

Маҳаллаларда аҳолига томорқадан самарали фойдаланиш бўйича тарғибот ишларини олиб бориш, жойларда қонун устуворлигини, қабул қилинаётган қонун ҳужжатлари ижросини таъминлаш, маҳаллаларда тўй-маросимларни ихчам ва тартибли ўтказиш бўйича жамоатчилик назоратини амалга ошириш ҳам асосий вазифаларимиздандир.