Темир йўл билан боғлиқ бахтсиз ҳодисаларнинг олдини олиш борасида Чироқчи туманида ҳам кенг қамровли тушунтириш ишлари олиб борилмоқда. Шунга қарамай фуқаролар ва ҳайдовчилар томонидан темир йўнинг белгиланмаган жойларидан кесиб ўтиш ҳоллари учраб турибди.
Айниқса, туманнинг Айритом маҳалла фуқаролар йиғини ҳудудида яшовчи аҳоли тартибсизликка йўл қўйишаётир. Шунингдек, маҳалладан ўтувчи темир йўл кесишмасида ҳайдовчиларнинг қўпол қоида бузиш ҳолатлари тез-тез учраб тураётганлиги бироз ачинарлидир.Хусусан, “Айритом-Алатун” перегони 3804-км қўриқланадиган темир йўл кесишмасидан туманнинг Наймансарой қишлоғида яшовчи фуқаро И.Н бошқарувида бўлган “Нексия-3” русумли машинасида светафорни тақиқловчи қизил чироғига амал қилмасдан, ёпиқ шлагбаумни айланиб ўтиб, қарама-қарши томондан ҳаракатланиб кетган.
Айнан шу каби вазиятда яна 2 нафар ҳайдовчи йўл қоидасига риоя қилмасдан ҳаракатни давом эттирган. Ҳурматли фуқаролар! Темир йўлдан кесиб ўтманг! Фақат белгиланган жойдан, тартиб асосида ҳаракатланинг! Ахир айтишадику, “Йўл қоидаси – умр фойдаси” деб.
