Туман халқ таълими бўлимига қарашли 9-мактабда туман ҳокимлиги Ёшлар иттифоқи туман кенгаши, туман халқ таълими бўлими ҳамкорлигида “Мактабда беш ташаббус“ шиори остида маънавий-маърифий тадбир ўтказилди. Тадбирда умумтаълим мактабининг ўқувчилари ҳамда якка тартибда таълим олувчи ўғил-қизлар иштирок этди.
Шунингдек, тадбирда ҳунармандлар ҳам фаол иштирок этиб, ўқувчиларга ўз ҳунарлари бўйича тушунчалар берди. “Фарзандимга китоб совға қиламан“ акцияси ўтказилиб, ота-оналар фарзандлари учун китоблар совға қилишди.Тадбир сўнгида туман халқ таълими бўлими мудири ва Ёшлар иттифоқи туман кенгаши раиси иштирокида ёшлар билан учрашув ташкил этилиб, ўқувчиларни қизиқтирган саволларига жавоб берилди. Тадбирда фаол қатнашган ўқувчилар ташкилотчилар томонидан совғалар билан тақдирланди.
