Жорий йилнинг 13 март куни туркиялик тадбиркор Жемил Жан туманимизга ташриф буюрди.
Меҳмонлар Чироқчи туман ҳокимлигида туман ҳокими Хуррам Жураев билан учрашди.
Суҳбат давомида туман ҳокими мамлакатимизда Чироқчи туманининг тутган ўрни ва салоҳияти, иқтисодиёти, хорижлик инвесторлар учун яратилаётган имконият ва шароитлар, имтиёз ва қулайликлар, амалга оширилаётган инвестиция лойиҳалари ва уларнинг истиқболлари хусусида батафсил тўхталиб ўтди.
Туркиялик ҳамкорлар билан гидропоника усулида полиз маҳсулотлари етиштириш ва ишлаб чиқариш соҳасида инвестиция лойиҳасини амалга ошириш тўғрисида музокаралар олиб боришди. 
Қардош ҳамкорлар билан биргаликда фаолият бошлаши назарда тутилаётган мазкур лойиҳа нафақат вилоят, балки республика миқёсида аҳолини арзон ва сифатли маҳсулотларга бўлган эҳтиёжини қондиришга хизмат қилади
