1-сектордаги “Жура бобо Бойқулов” фермер хўжалигида ўтказилган баҳорги агротехник тадбирларни самарали ташкил этиш ва чигит экишга бағишланган кўргазмали семинарида бу алоҳида таъкидланди. Мавсумга тайёргарлик ишлари муҳокама этилиб, эътибор қаратилиши лозим бўлган вазифалар белгилаб олинди.
 
 Фермерларга хизмат кўрсатувчи шохобчалар, фермер хўжаликлари раҳбарлари, соҳага алоқадор ташкилотлар вакиллари иштирок этган тадбирда мутахассислар томонидан далани экишга тайёрлаш, тупроқ намлигини сақлаш, майдонни текислаш ва чигитни сифатли экиш, дала шийпонларида меҳнаткашлар учун зарур шароит яратиш юзасидан тегишли тавсиялар берилди.
 
 Чигит экиш мавсумини уюшқоқлик билан ўтказиш бўйича туманда ўзига хос тажриба тўпланган. Соҳа раҳбарлари ва мутахассислар томонидан экиш ишларини сифатли ташкил этиш, агротехник тадбирлар хусусида тавсиялар берилиб, навбатдаги вазифалар белгилаб олинди.