Азиз тумандошлар!          

Коронавирус пандемияси дунёнинг кўплаб давлатларида нафақат аҳоли саломатлиги, шу билан бирга, ижтимоий барқарорликка ҳам салбий таъсир кўрсатяпти. Юртбошимиз таъкидлаганларидек, айни кунларда халқимиз учун синовли кунлар кечмоқда. Давлат томонидан кўрилаётган чоралар одамларимизнинг касалликни юқтириб олиш эҳтимолини имкон қадар чегаралаш, вирусли инфекциянинг тарқалишини жиловлашга алоҳида эътибор қаратилаётир.

Туманимизда хам тожсимон вирус тарқалишининг олдини олишга қаратилган ишлар юзасидан туман тиббиёт бирлашмасида туманда коронавирус, грипп ва ўткир респератор инфекцияларни ахоли ўртасида эпидемик тарзда тарқалиб кетишини олдини олиш буйича штаб ташкил қилинган. Штабда  кунлик чет давлатларидан келаётган тумандошларимизни ва улар билан контактда бўлган оила аъзолари тиббий кўрикдан ўтказилиб уй шароитида   карантинга олиниб, назорат қилиб борилмоқда, врачлар ва патронаж ҳамширалар томонидан  ҳар куни уйига борилиб,  тана хароратлари ўлчанилиб  борилмоқда.

Туман юқумли касалликлар шифохонасида 20 ўринли вирусни юқтириб олганлиги гумон қилинган беморларни карантинда сақлаш ва даволаниши учун махсус ўринлар ажратилди.

Бундан ташқари шошилинч тез тиббий ёрдам бўлими, хирургия бўлими, 1-поликлиникада, терапияларда ҳамда туғруқхонада 2 тадан хоналар ажратилди. Шунингдек, Кўкдала ҳудудий шифохонаси бўлимларида ҳам хоналар ажратилган.

Эпидемиологик ҳолатни сақлаш мақсадида туман тиббиёт бирлашмаси томонидан зарурий бўлган ҳимоя кийимлари 30 дона, бир марталик химоя кийимлари 50 дона, қўлқоплар 50000 дона, ҳимоя ниқоблари 5000 дона,  дезенфекцияловчи моддалардан гипохлорид калций 300 кг ва вирусга қарши дори воситалари  ҳамда тана ҳароратини  туширувчи   дори воситалари  заҳираси  яратилган.

2020 йилнинг 27 март кунига қадар туманимизга 394 нафар фуқаролар чет элдан кириб келган. Тиббиёт ходимлари томонидан 382 нафар фуқаролар уйида тиббий кўрикдан ўтказилди ва ҳозирги кунда улардан 267 нафар (шундан 27.03.2020 йил холатига четдан келган фуқоролар йуқ) фуқаролар ва уларнинг оила аъзолари билан биргаликда “оилавий карантин”га олинди, 1 нафари Россиянинг Москва шахрида “Ичак тешилиши” ташхиси билан операция бўлиб, 12.03.2020 йилда кириб келган бемор асосий касаллигини даволаш ва коронавирусга карантин учун (беморда коронавирус касаллиги белгилари аниқланмаган)  туман юқумли касалликлар шифохонасига ётқизилган. Жами 114 нафари (шундан 7 нафари 27.03.2020 йил холатига) оилавий карантин муддати тугаганлиги сабабли карантиндан чиқарилди.

Хозирда туманимизда коронавирус келтириб чиқарадиган касаллик белгилари билан аниқланган ва мурожаат қилганлар йуқ.

Жумладан, Чироқчи туманидаги ҳар битта шифохонада дезинфекция, индивидуал ҳимоя воситалари ва дори-дармонлар заҳираси яратилган. 

Сизларни Ўзбекистон Республикаси Соғлиқни сақлаш вазирлигининг коронавирусдан сақланиш учун ҳар бир фуқаро амал қилиши керак бўлган тавсиялар ва шахсий гигиена қоидаларига қатъий риоя қилишга, зарурат булмаганда уйдан чиқмаслик, агар сизда касаллик аломатлари пайдо бўлса уйингиздан чиқмаган холда ҳудуд шифокоризга ёки тез тиббий ёрдам хизматига мурожаат қилишларингизни сураймиз!

Тўлқин Ашуров Чироқчи туман тиббиёт бирлашмаси бошлиғи.