Тумандаги эпидемиологик вазиятдан келиб чиқиб, қишлоқ хўжалиги техникалари ёрдамида маҳалла ва қишлоқ кўчалари махсус қоришма билан дезинфекция қилинмоқда. Бу ишларга туман Санитария-эпидемиологик осойишталик маркази ходимлари жалб қилинган.
Санитария-эпидемиологик осойишталик маркази ходимлари ҳамда қишлоқ хўжалиги техникалари ёрдамида туманимиздаги маҳаллалар кўчалари доимий равишда дезинфекция килиняпти. Кўриб турганингиз туманнинг Зарбдор маҳалласида бўлаётган ишлар, - дейди Халқ депутатлари туман Кенгаши депутати Ғанишер Имомқулов.
Бугунги кунда ишга чиқишига зарурат бўлмаган ходимлар эса уй шароитида масофадан туриб фаолият олиб бориши учун барча шароитлар яратилган.
Вирус ташилишининг олдини олиш мақсадида дезинфекция ишларига туман Фавқулодда вазиятлар бўлими махсус техникалари жалб қилинган бўлиб, ишлар туман бўйлаб кўчалар, одамлар гавжум бўладиган жамоат жойлари, савдо марказлари, давлат идоралари ва ташкилотлари атрофи ҳамда туманга кириш ва чиқиш постларида амалга ошириляпти.
