Видеоселектор йиғилишида Ўзбекистон раҳбари бу йилги мураккаб вазиятни ҳисобга олиб, барча томорқаларда 2-3 марта экин экиш ва қўшимча ҳосил олиш биринчи даражали вазифа бўлиши кераклигига алоҳида эътибор қаратди.Бугун Чироқчи туманида бу масалага етарлича эътибор берилмоқда. Хусусан, 3-сектор раҳбари Актамали Бешимқулов ўз секторидаги маҳаллаларда аҳоли хонадонларида бўлиб, томорқачиликни ривожлантиришни тарғиб қилмоқда. Сектор раҳбари тарғибот ишлари давомида хайрли ишларга ҳам бош бўлмоқда, Янгиқишлоқ маҳалласидаги хонадонларнинг бирида А.Бешимқулов қўлига кетмон олиб картошка ниҳолларининг тагини юмшатди.
Сектор раҳбари хонадонма-хонадон юриши давомида томорқаларда етиштирилган маҳсулотларни ички ва ташқи бозорга етказиб бериш масаласига ҳам эътибор қаратаётир. Ҳозирги синовли даврда томорқа ерларига экин экмаслик, қаровсиз ташлаб қўйиш юртга ва ерга нисбатан хиёнат деб баҳоланиши керак, - дея Давлатимиз раҳбарининг сўзларини иқтибос келтиради А.Бешимқулов аҳоли билан учрашувларда.
Секторда томорқадан самарали фойдаланмаётган хонадон эгалари расман огоҳлантирилиши, ундан кейин ҳам экин экмаганларга ер солиғи оширилган ставкада қўлланилиши маълум қилинди.
Бу ҳақда Янгиқишлоқ маҳалла фуқаролар йиғини раиси Абдурасул Тоғаев хабар қилдмоқда.
