Нурободга ун етказилди

--- 28-апр, 16:059 1 275

Бугунги кунда коронавирус пандемияси кенг тарқалишини олдини олиш бўйича кураш олиб борилаётган бир пайтда аҳоли учун озиқ овқат хавфсизлигини таъминлаш асосий вазифалардан бири саналади. Чироқчи туманида ҳам бу борада бир қатор амалий саъй-ҳаракатлар олиб борилмоқда.

Ҳукуматимизнинг жорий йил 16 апрелдаги “Коронавирус пандемияси шароитида республика аҳолисини давлат ресурcлари ҳисобига ун маҳсулотларини тизимли ва кафолатли етказиб бериш чора-тадбирлари тўғрисида”ги йиғилиш баёни билан коронавирус пандемияси шароитида юзага келган вазиятни инобатга олиб ун маҳсулоти барча ҳудуlларга бир маромда етказиб берилишини таъминлаш мақсадида биржа савдоларисиз тўғридан тўғри шартномалар билан сотилиши бўйича топшириқлар белгилаб берилди. Бу борада Чироқчи туман ҳокимлиги, туман прокуратураси, Бош прокуратура ҳузуридаги Департаментнинг туман бўлимининг саъй-ҳаракати билан тумандаги маҳаллаларга белгиланган режа асосида бир маромда ун махсулотлари етказиб берилмоқда.

Туманнинг “Нуробод” маҳалласида ташкил этилган арзонлаштирилган савдо дўкони ҳам бирламчи истеъмол маҳсулотларига тўла. Харид учун дўконга келган маҳалла аҳолиси, оралиқ масофани сақлаган ҳолда, карантин қоидаларига риоя этиб, керакли маҳсулотларни эҳтиёжи асосида сотиб олишмоқда.

Бу каби хайрли ва самарали ишлар аҳолини бирдамликда яшашга, тожсимон вирусни ҳамжиҳатликда енгиб ўтишга ундайди. Бугунгидек синовли кунларда Давлатимиз раҳбари бошчилигида халқ манфаати, юртдошларимиз тақдири ва келажаги йўлида яратилаётган шароит ва имкониятлар изчил авом этади.