Мактабда очиқ мулоқот тарзида ўтказилган учрашувда туман прокурори Боходир Худойқулов бугун бевосита давлатимизда соҳада олиб борилаётган ҳуқуқий ислоҳотлар, Президентимиз томонидан прокуратуранинг олдига қўйилаётган энг муҳим вазифалар ва энг асосийси, прокуратурани том маънода «Халқ прокуратураси»га айлантириш учун амалга оширилаётган ишлар тўғрисида маълумот берди.
Тадбирда ёшлар ўзларини қизиқтирган саволларига туман прокурори, ўринбосари, ёрдамчилари ҳамда терговчилар томонидан батафсил жавоб олдилар.
Учрашув сўнгида туман прокурори ўқувчи-ёшларга келажакдаги ишларига омад тилаб, туман прокуратураси доимо ёшлар билан бирга эканлиги, идора эшиклари ёшлар учун доимо очиқ эканлигини таъкидлаб ўтдилар.
