Туманнинг Чоштепа маҳалла фуқаролар йиғинида истиқомат қилувчи ижтимоий ҳимояга муҳтож оиланинг уйи ҳовли девор билан ўраб берилади ва уй таъмирланиши бошланди. Хонадон бекаси Гулсора Орипова уйини таъмирлаб берилишини сўраб туман ҳокими Х.Жураевга қилган мурожаати амалий натижа берди.
Бугунги синовли кунларда туман раҳбари ўз оталиғига олган оилаларни ҳар томонлама бошини силамоқда. Уларнинг ҳолидан хабар олиб мушкулини осон қилишга ҳаракат қилмоқда. "Саҳоват ва кўмак" умумхалқ ҳаракати доирасида озиқ-овқат маҳсулотлари олиб Г.Орипованинг хонадонида бўлган Х.Жураев фарзандларига ҳам ота ҳам она бўлиб, аёл боши билан рўзғор тебратаётган Гулсора опанинг яшаш шароити билан яқиндан танишган эди.Айни синовли кунларда мазкур хонадонда таъмирлаш ишларини бошлаб юборилди. Уй ҳовли девор билан ўраб олиниши учун қурилиш материаллари келтирилди. Носоз электр симлари янгисига алмаштирилди. Дераза ўрнатилиб, хонадон ички қисмида монтаж ишлари бошлаб юборилди. Қурилиш таъмирлаш ишларига маҳаллий Кенгаш депутати ва маҳалла раиси Хосият Соатова бош бўлмоқда.
