Чироқчи тумани ҳокими Нодир Эркаевнинг ўтган ҳафта 27 май куни "Оқолтин" маҳалласида ўтказган сайёр қабули давомида маҳаллада яшовчи ижтимоий ҳимояга муҳтож 2 гуруҳ ногирони бўлган Лайло Лапасованинг яшаш хонадонига электр тармоғи тортиш ва икки нафар фарзандлари учун телевизор олишда ёрдам сўраб мурожаат қилган эди.
Мамлакатимизда аҳолининг кам таъминланган ва ижтимоий ҳимояга муҳтож оилаларни ҳар томонлама қўллаб-қувватлашга бўлган эътибор кун сайин ошмоқда. Бугун туман ҳокимининг совғасини Халқ депутатлари Чироқчи тумани Кенгаши котибияти мудири Фарҳод Боботов ҳамда Оила ва хотин-қизлар бўлими бошлиғи Гулчирой Соатовалар топширди ва Лайло Лапасова билан дилдан суҳбат қуришди.
- Телевизор олишга оиламизнинг имкони йўқ эди, - дейди Лайло Лапасова. - Турмуш ўртоғим ҳам иккинчи гуруҳ ногирони, эр-хотин бир бўлиб рўзғор тебратаяпмиз. Туманимиз ҳокими маҳалламизда қабул ўтказган куни мен ҳам бориб муаммоларим билан мурожаат қилган эдим. Ҳоким бувамизга раҳмат оиламизнинг бир неча йиллик муаммоларига бир зумда ечим топди. Мана телевизорли ҳам бўлдик, эртага хонадонимизда чироқ нур сочади.
Aёллар турмуш ва меҳнат шароитларини яхшилаш, улар манфаатларини ҳимоя қилиш, шунингдек мавжуд муаммоларини ҳал этиш долзарб вазифа ҳисобланади. Бу борада туманимизда ҳам ижобий ишлар амалга оширилмоқда.
