Ўзбекистон халқ бахшиси Шомурод бахши Тоғаев ҳаётнинг не-не синовларидан ўтмади. Кексайган чоғида фарзандлар ва набираларидан меҳр топди. Беморлик чоғида ҳам уни оқ ювиб, оқ тарадилар. Менга меҳрибонлик кўрсатган юртимга, халқимга раҳмат, - дейди у ҳар гал дуога қўл очганида. Дарвоқе, йиллар давомида хонадонимизга кимлар кўнгил сўраб келмади, дейсиз. Бугун эрта тонгдан “Нуроний” жамғармаси туман бўлинмаси раиси Ҳасан Раҳматов ва Чироқчи Маҳалласи раиси Момасулув Бердиқулова хол сўраб келишди уларни кўриб кайфиятим кўтарилди.
Мамлакатимизда кексаларни ҳар томонлама қўллаб-қувватлаш, уларнинг турмуш шароитини яхшилаш, енгиллик ва имтиёзлар билан боғлиқ масалалар давлат сиёсатининг муҳим йўналишидир. Президентимиз таъкидлаганидек, фахрийларимизнинг ҳурматини жойига қўйиш, ҳар қайси кекса одамнинг юрагига етиб бориш, кўнглини кўтариш, шу билан бирга, уларнинг ҳаётини мазмунли қилиш йўлида олиб бораётган ишларнинг чек-чегараси йўқ.
