UZ RU
Menyu
» » Чироқчида “Фидокор ёшлар” жамоатчилик гуруҳлари иш бошлади

Чироқчида “Фидокор ёшлар” жамоатчилик гуруҳлари иш бошлади

Мудофаа ишлари Чироқчи туман бўлими бошлиғи Шуҳрат Суюнов бошчилигида "Фидокор ёшлар" жамоатчилик гуруҳлари ташкил этилди. Муддатли ҳарбий хизматга бориш ҳар бир йигитнинг Ватан, оиласи олдидаги муқаддас бурчдир. Зеро, бугунги синовли кунларда йигитлик бурчини адо этишга чоғланган чироқчилик ёшлар кўринмас душманга қарши жангга отланишди.
Чироқчи туманининг ҳар бир маҳалласида “Фидокор ёшлар” жамоатчилик дезинфекция гуруҳлари аҳоли хонадонлари, маҳалла кўчалари, корхона, ташкилот ва муассасаларда белгиланган санитария талаблари асосида дезинфекция ишларини олиб боришмоқда. 
Ўзбекистон Республикасида коронавирус бўйича карантин жорий этилиши муносабати билан, аҳоли ҳавфсизлигини таъминлаш ва COVID-19 вируси инфекциянинг тарқалишини олдини олиш мақсадида кўп квартирали уйлар, уйларга туташ ҳудудларни дезинфекциялаш тадбирлари амалга оширилмоқда.
Дезинфекция тадбирлари "Фидокор ёшлар"  гуруҳи томонидан туман санитария-эпидемиологик осойишталик маркази ҳамда бошқа мутасадди ташкилотлар ҳамкорлигида ташкил қилинмоқда.
Айни вақтда кўп квартирали уйларни босқичма-босқич дезинфекция қилиш тадбирлари давом эттирилмоқда.
Кликните на изображение чтобы обновить код, если он неразборчив