Чироқчи тумани ҳокими Нодир Эркаев ташаббуси билан маҳаллий бюджет маблағи ҳисобидан туманнинг "Қирғиз" маҳалласи Гулсой кўчасида 1 километрга яқин ички йўлига асфалт қопламаси ётқизиш ишлари бошланди, - деб хабар қилди туман Йўллардан фойдаланиш унитар корхонаси раҳбари Жуманазар Авлаёров.
Бу ишлар натижасида маҳаллада аҳоли яшаши учун қулай шароитлар яратилиб, ҳудуд кўркам ва замонавий қиёфа касб этади. Айни кунларда Йўллардан фойдаланиш унитар корхонаси томонидан туманда йўлларни таъмирлаш ишлари давом этмоқда. Маълумот ўрнида, маҳаллий бюджет ҳисобидан 2 километрдан ошиқ ички йўлларга асфалт ётқизиш ишлари олиб борилмоқда.
