Чироқчи туманида Оила ва хотин-қизларни қўллаб-қувватлаш давлат мақсадли жамғармаси томонидан имконияти чекланган инсонларга ажратилган ногиронлик аравачалари Қурбон Ҳайити муносабати билан кўнгли ўксик инсонларга етказиб берилди.
Оила ва хотин қизлар туман бўлими бошлиғи Гулчирой Соатова эҳтиёжманд оилалар хонадонига байрам саватлари билан кириб борди. Уларни табриклаб, совға-саломлар ва ногиронлик аравачаларини топширди. Ҳайит муносабати билан йўқловлар давом этмоқда. Ушбу хайрли ишлардан мамнун бўлаётган тумандошларимиз юртбошимизга, рахбарларимизга тинчлик-омонлик, барокот сўраб, дуога қўл очмоқдалар.
