Аҳоли билан доимий мулоқот қилиш, фуқароларни қийнаётган муаммоларни ҳал этишнинг самарали механизми ва усуллари жорий этилгани мамлакатимизда амалга оширилаётган ислоҳотларнинг устувор йўналишига айланди.
Чироқчи тумани ҳокими Нодир Эркаев янги иш ҳафтаси ва кунини фуқаролар қабулидан бошлади. Туман раҳбари ҳокимлик ҳовлисида фуқаролар билан учрашиб, уларнинг муаммоларига ечим излади. Ҳоким қабулига келган фуқароларнинг саломатлик, ижтимоий ҳимоя, бандлик, уй-жой таъмири, электр таъминотини яхшилаш каби муаммолар юзасидан билдирган мурожаатлари тингланиб, масъулларга топшириқлар берилди. Мақсад одамларнинг муаммосига ечим топиш, уларга яқиндан ёрдам беришдир. 
