Президентимиз "Вилоятлар ва туманлар ҳокимлари, сектор раҳбарлари ғалладан бўшаган майдонларни ишсиз аҳолига адолатли ажратиб, уларга экспортёр ва кластерларни бириктирсин" дея таъкидлаган эдилар.
Шу маънода вилоят ҳокимининг биринчи ўринбосари Нодир Эркаев Чироқчи тумани ҳокимнинг биринчи ўринбосари Эркин Бобоқулов ҳамроҳлигида ёшлар ва аёллар дафтарига киритилган оилаларнинг хонадонларида бўлиб, уларга ғалладан бўшаган ер майдонларида деҳқончилик қилиш орқали моддий манфаат кўришлари хусусида суҳбатлашмоқда. Аҳоли билан бўлаётган учрашувлар давомида ғалладан бўшаган ер майдонларни аҳолига ажратиб бериш орқали уларнинг бандлигини таъминлаш, уларга ер ва такрорий экинларнинг уруғларини олиш тартиби ҳақида баътафсил маълумотлар беришмоқда.
