Чироқчи тумани негизида ташкил этилаётган Кўкдала туманида "Чироқчи кластер" МЧЖ томонидан ташкил этилган "SAMO" тикувчилик фабрикасига замонавий иш унумдорлиги юқори тикув машиналари олиб келинди.
– Корхонага тикув ускуналари Хитой давлатидан олиб келинди. Ҳозирда тикув ускуналарини ўрнатиш ишлари амалга оширилмоқда. Энг муҳими ишчилар маҳаллий фуқаролар орасидан олинади. Тикувчи хотин-қизлар дастлаб махсус ўқув курсларини ўтади, – дейди корхона раҳбари Ойбек Қосимов. – Кейинчалик яна тикув машиналари келиши билан ишчилар сонини янада кўпайтирамиз.
Мазкур тикув фабрикаси тумандаги энг йирик корхона ҳисобланади. Корхона маҳсулотлари ички бозор ва экспортга йўналтирилади.
