Маҳаллий Кенгаш депутатлари қайноқ иш устида. Бугун Халқ депутатлари Чироқчи тумани Кенгаши котибияти мудири Фарҳод Боботов бошчилигида депутатлар туман тиббиёт бирлашмасида шифохонада яратилган шарт-шароитлар билан танишиб, саломатлигини тиклаётган беморлар ҳолидан хабар олиб, улар билан дилдан суҳбатлашди.
Шундан сўнг депутатлар тиббиёт бирлашмаси ҳовлисини айланиб, ободонлаштириш ва кўкаламзорлаштириш ишларини кўздан кечиришди.
Шунингдек, тиббиёт бирлашмасига шахсий автотранспорт воситасида келиб-кетувчи фуқароларнинг автомашиналари бирлашма ҳовлисида бетартиб жойлашганлигини ва бу ҳолатни олдини олиш учун автотураргоҳ ташкил этиш кераклиги хусусида ўрганиш ишларини олиб боришди. Бу ҳақда Чироқчи тумани Кенгаши котибияти бош мутахассиси Асқар Халилов маълум қилди.
? Шаҳзод Жўраев Чироқчи тумани Кенгаши котибияти бош мутахассиси.
