Бугун Чироқчи тумани ҳокими Нодир Эркаев ҳамда бир қатор соҳа мутасаддилари "Янгиобод" маҳалласидаги кўп қаватли уйларда истиқомат қилаётган фуқаролар муаммоларини ўрганишди.
Туман ҳокими кўп қаватли аҳоли тураржой манзилидаги бугунги ҳолат, мавжуд муаммолар ва уларнинг ечимини масъуллар билан муҳокама қилди. Кўп қаватли уйларда яшовчи аҳоли билан суҳбатлашиб, уларни қийнаб келаётган муаммоларни тинглади.
Ўрганиш жараёнида кўп қаватли уйлар атрофини ободонлаштириш, йўлакларни бетонлаш, ёритиш устунлари ва чироқларини таъмирлаш белгиланди.
Шунингдек, кўп қаватли уйлар атрофидаги бўш ерларни ободонлаштириш ва кўкаламзорлаштириш ишларини олиб бориш учун масъулларга кўрсатмалар берилди. Маҳаллардаги ўрганишлар давомида кўп қаватли уйларга олиб кирувчи ички йўлларини таъмирлаш белгиланди.
