Ишонч телефони:

+99 875 562 30 09

Чироқчида замонавий хусусий мактаб қуриляпти

yangiliklar 18-июн, 11:269 806
Бугунги кунда тадбиркорлар томонидан ташкил қилинаётган хусусий мактабларнинг асосий қисми шаҳар жойларида бўлиб, қишлоқларда бундай таълим муассасаси деярли йўқ.
Чироқчи тумани марказидан олис "Обод" маҳалласининг Қорабуруғ қишлоғида туманда биринчи 220 ўринли хусусий мактаб "HELLO HAPPY KIDS" МЧЖ томонидан давлат-хусусий шерикчилик асосида тадбиркорнинг 1.5 миллиард сўмдан зиёд маблағи эвазига қурилмоқда.
Қишлоқдаги фойдаланилмаётган қаровсиз ер майдони хусусий мактаб учун ажратилди. Уч қаватли замонавий кўринишда бунёд этилаётган мактабда асосий ўқув биносини қуриш ишлари бошлаб юборилган. Бугун Чироқчи тумани ҳокими Нодир Эркаев хусусий мактаб қурилиш ишлари билан яқиндан танишди ва тадбиркорга ўзининг тавсияларни берди. 
- Мактаб иқтидорли болаларни қўллаб-қувватлаш, улар ўртасида санъат ва спортни ривожлантириш, компьютер саводхонлиги ҳамда китобхонлик маданиятини ошириш мақсадида ташкил этилмоқда, - дейди "HELLO HAPPY KIDS" МЧЖ раҳбари  Дилшодбек Каримов. - Қурилиш ишлари якунлангач, ўқувчиларни ҳар йили 5-синфдан бошлаб қабул қиламиз. Энди чироқчилик қишлоқ ёшлари замонавий қулайликларга эга таълим муассасасида ўқиш имконига эга бўлади.
Айни дамда хусусий мактабни қуриш ишлари "HELLO HAPPY KIDS" МЧЖ томонидан амалга оширилмоқда. Қурилиш ишларида 20 га яқин қишлоқ ёшлари мавсумий иш билан таъминланди.
Ўхшаш янгиликлар

Янгиликларга обуна бўлинг

Бизнинг хабарномамизга обуна бўлиш учун қуйидаги электрон почта манзилингизни киритинг

Биз ижтимоий тармоқларда
Календарь
«    Март 2024    »
ПнВтСрЧтПтСбВс
 123
45678910
11121314151617
18192021222324
25262728293031
ИНТЕРАКТИВ ХИЗМАТЛАР