Чироқчида ғўза дефоляцияси бўйича семинар бўлиб ўтди. Ғўза майдонларини дефолиация қилиш пахтадан мўл ҳосил етиштириш борасидаги муҳим агротехник тадбирлардан бири саналади.
Бугун вилоят ҳокимининг биринчи ўринбосари Улуғбек Узоқов, Чироқчи тумани ҳокими Нодир Эркаев бошчилигида туман қишлоқ хўжалиги бўлими масъул ходимлари, фермерлар иштирокида туманнинг Охун Бобоев ҳудудида ўтказилган кўргазмали семинарда пахта майдонларида дефолиацияни ўз вақтида ва сифатли ўтказиш муҳокама этилди.
Жорий йилда туманда ғўза дефоляциясида иштирок этадиган 14 та ОВХ пуркагичлари шай ҳолатга келтирилган. Шунингдек семинар давомида 2022 йил ҳосилига тайёргарлик ишларининг бориши, ғўза дефолиацияси тадбирларини қисқа муддатларда ўтказиш, пахта қабул қилиш манзилгоҳларининг мавсумга шайлиги сингари долзарб масалалар муҳокама этилди. 
Ғўза майдонларини дефолиация қилиш пахтадан мўл ҳосил етиштириш борасидаги муҳим агротехник тадбирлардан бири саналади. 
