Ижтимоий ҳимояга муҳтож оила уй-жойи таъмирлаб берилди

yangiliklar / murojaatlar 04-окт, 20:529 775

- Давлатимизнинг эътибори ва туманимиз раҳбарларининг ғамхўрлигидан яшашга бўлган умидим, давлатимга, яхши инсонларга ишончим ортди, - дейди Сожида Холбоева. Уй-жойимизни таъмирлаб беришди энди, хотиржам яшай оламан. Қийналиб яшаётган мен каби аёллар ҳолидан хабар олиб, уларнинг мушкулини осон қилаётган инсонларга, мана шундай хайрли ишларнинг бошида турган Президентимизга раҳмат.

Кейинги йилларда бутун мамлакатимизда бўлгани каби Чироқчи туманида ҳам кам таъминланган, жисмоний имконияти чекланган опа-сингилларимизни қўллаб-қувватлашга алоҳида эътибор қаратилмоқда. “Саховат ва кўмак” умуммиллий ҳаракати доирасида “Темир дафтар”, “Аёллар дафтари” ва “Ёшлар дафтари”га киритилган тақдир йўлларида ўз ўрнини топишга қийналаётган ва имконияти чекланган юртдошларимизга манзилли ижтимоий ёрдам кўрсатиб келинмоқда.

Чироқчида уй-жойини таъмирлашга имкони бўлмай, ёзнинг иссиғида сояга, қишнинг қорли-қировли кунларида эса шинам бошпанага муҳтож бўлган ва борига шукр қилиб яшаб келаётган хотин-изларнинг уй-жойлари таъмирлаб берилди.

Чироқчилик тадбиркор Абдувайид Бекмуродовни кўп ҳолларда аҳоли орасидан топасиз. Тадбиркор Абдувайид Бекмуродов юмушлари талай бўлса-да, кимнингдир мушкулини осон қилишга ҳар доим вақт топади. Каттаю кичикнинг кўнглини бирдек олишга интилади.

Сожида Холбоева туманнинг "Кишмиштепа" маҳалласида истиқомат қилади. Яшаш шароити анча оғир, яқиндагина саломатлигини тиклаб қайтганлиги сабабли ҳамма юмушни бажаролмайди, саломатлиги кўтармайди. Турмуш ўртоғи ҳам ишсиз. Икки фарзанди хали норасида. Яшаш уйи атиги икки хонадон иборат, қаров ва таъмирга муҳтож. Аммо илож, имкон қайда... Тадбиркор А.Бекмуродовнинг кўмаги билан Сожида Холбоеванинг уй-жойи таъмирланди.

- Икки нафар фазандим бор. Турмуш ўртоғим ҳам ишсиз, ўзимни эса саломатлигимда муаммолар бор. Оиламиз билан кўп қаватли уйнинг икки хонали хонадонида яшаймиз, - дейди "Кишмиштепа" маҳалласида яшовчи ижтимоий ҳимояга муҳтож "Темир дафтар"га киритилган Сожида Холбоева. - Туман ҳокимига раҳмат келиб яшаш шароитимиз ва турмуш тарзимиз билан танишиб, ёрдам қилишини айтганди. Мана бугун хонадонимизда усталар, барака топишсин охирги ишларни бажаришмоқда.

Албатта, бундай хайрли ишлар мазкур хонадон соҳиблари дилида эзгулик чироғини янада равшан этиб, унинг ёғдуси яна бир қатор юмушларга туртки беради. Зеро, эзгуликнинг жавоби ҳам эзгуликдир.