Бугунги кунда спорт ривожи йўлида янги ғоялар, лойиҳалар ишлаб чиқилмоқда. Спортчиларимизнинг нуфузли мусобақаларга муносиб тайёрланиши, турнирлар ташкил қилишга алоҳида эътибор қаратилмоқда. Спортни оммалаштириш, аҳолининг турли қатламлари орасида янги иқтидорларни кашф этиш, улар ичидан терма жамоа учун муносиб номзодларни етиштириб бериш йўлида кенг кўламдаги ишларни амалга оширмоқда.
Чемпионни тарбиялаш – осон бўлмаган вазифалардан бири ҳисобланади. Аввалига уни пайқай олиш лозим. Кейин эса уни муносиб тайёрлаш, мунтазам равишда бирга ишлаш керак бўлади. Нафақат жисмоний, балки руҳий тайёргарлик бўйича ҳам алоҳида меҳнат талаб қилинади.
31 январь - 1 февраль кунлари Чироқчи туман ҳокими кубоги учун вилоят очиқ чемпионати бўлиб ўтди. Унда 41 вазн тоифасида 138 нафар ёш спортчилар рингга кўтарилишди. Қўшни Тожикистон, Қашқадарё, Самарқанд, Сурхондарё вилоятларидан келган ёш умидли спортчилар ўз вазн тоифасида ғолиблик учун кураш олиб боришди. Умумжамоа ҳисобида Туман ҳокими кубоги мезбон спортчиларга насиб этди. Иккинчи ўрин тожикистонлик спортчиларга, учинчи ўрин, сурхондарёлик спортчиларга насиб этди.
Мусобақада ўзини кўрсатган ёш спортчиларга туман ҳокимлиги ва ҳамкор ташкилотларнинг қиматбаҳо совғалари ва дипломлари топширилди.
