Тадбиркорлик учун ер участкалари савдолари эндиликда янги Низом талаблари асосида ўтказилади

--- 04-янв, 14:409 1 709

Тадбиркорлик учун ер участкалари савдолари эндиликда янги Низом талаблари асосида ўтказилади

Вазирлар Маҳкамасининг 2019 йил 20 декабрдаги “Тадбиркорлик ва шаҳарсозлик фаолиятини амалга ошириш учун бўш турган ер участкаларини бериш тартиб-таомилларини янада такомиллаштириш чора-тадбирлари тўғрисида”ги 1023-сонли Қарорига асосан Вазирлар Маҳкамасининг 2018 йил 30 июндаги 493-сонли қарори ўз кучини йўқотган.

493-сонли қарор асосида “E-IJRO AUSKION” электрон савдо майдончаси орқали онлайн-аукцион савдоларига қўйилган, лекин реализация қилинмаган ер участкалари бўйича аукцион савдоларининг ўтказилиши тўхтатилишини маълум қиламиз.

Эндиликда ушбу турдаги ер участкалари учун онлайн савдолар Вазирлар Маҳкамасининг 1023-сонли қарор билан тасдиқланган Низом талаблари асосида ўтказилади.