Биламизки, трансмиллий жиноятлар жаҳон мамлакатларининг ривожига соя солаётган асосий хавфлардан бири ҳисобланади. Нега деганда бундай жиноятлар бир давлатда содир этилса-да, унинг оқибатлари бошқа давлатларда намоён бўлиши мумкин. Ёки бир давлатда жиноий ҳаракатларга тайёргарлик кўрилиб, бошқа давлатда содир этилади. Айнан одам савдоси жинояти ҳам трансмиллий жиноятлар сирасига киради. Халқаро ташкилотлар, жаҳон мамлакатлари ва яна бир қатор масъул ташкилотлар томонидан одам савдоси ва унинг салбий оқибатларига қарши курашишда кенг кўламли ишлар олиб борилмоқда. Хусусан бугун Республика “Istiqbolli avlod” ижтимоий ахборот маркази Қашқадарё вилояти бўлими раҳбари Шахноза Раупова бошчилигида 43 мактабда “Биргаликда одам савдосига қарши курашамиз” шиори остида ўқув-тренинг ўтказилди. 
