Ўзбекистон Халқ демократик партияси Чироқчи туман Кенгаши раиси Қучқор Ғаниев ташаббуси билан туманнинг Зарбдор ва Истиқлол маҳаллаларида истиқомат қилаётган  кам таъминланган оилаларга бир бош қорамол сўйилиб эҳсон тарқатилди. Мазкур хайрия тадбири ташкилотчилари Қучқор Ғаниев, Акромжон Боқиевлар, Равот қишлоғи оқсақоллари ҳамда маҳалла раислари Ўрол Холиёров, Эшқул Ашуровлар бўлишди. Туман бош имом хатиби Бекзод Нарқулов бошчилигида тадбир ташкилотчилари уйма-уй юриб, боқувчисини йўқотганлар, кам таъминланган оилалар, эътиборга муҳтож инсонлар ҳолидан хабар олишди.
Тадбир доирасида Зарбдор ва Истиқлол маҳалласида истиқомат қилаётган 100 га яқин оилаларга гўшт ва бир литрдан ёғ ҳамда озиқ-овқат махсулотлари тарқатилди.