Ишонч телефони:

+99 875 562 30 09

Чироқчи туман ҳокими Хуррам Жураев: Рамазон ҳайити барчамизга муборак бўлсин!

--- 23-май, 19:429 1 144
Муҳтарам мўмин-мусулмонлар, азиз чироқчиликлар!


Мусулмон оламининг энг азиз байрами, кўнгилларимизга шукуҳ бағишлаб келган Рамазон ҳайити муборак бўлсин!

Бу гўзал байрам кунлари  бутун дунёда ва жумладан бизнинг мамлакатимизда ҳам тожли вирус туфайли оғир ва мураккаб давр ҳукм сурмоқда. Бу оғир кунларда  ўз сабр-тоқати, саховатпешалиги, инсонпарварлиги билан синовлардан муносиб ўтиб келаётган  матонатли халқимизга чуқур  таъзим қиламиз!

Гувоҳ бўлиб турибмизки, эпидемиологик вазият юмшагандек бўлсада, бутун дунёда унинг такрорланиш тўлқини жуда катта хавф туғдирмоқда. Бу хавфни  ҳар бир фуқаронинг қатъий тартиб ва интизомга риоя қилиши билангина  бартараф этишимиз мумкинлигини олимлар ҳамда  сиёсатчилар  қайта-қайта такрорлашмоқда.

Биз ҳам  улуғ айём кунлари ана шу эҳтиёткорлик ҳамда тартиб-интизомни фуқароларимизга ўзининг  кундалик ҳаёт тарзига айлантириши нақадар муҳимлигини яна бир бор  Сизга эслатмоқчимиз!

Қадрли чироқчиликлар! 

Барчангизни муқаддас динимизнинг улуғ байрами – Ийдул Фитр – Рамазон ҳайити билан самимий муборакбод этаман.

Аллоҳ таолога шукрлар бўлсинки, бошимизга соябон бўлиб кириб келган Рамазони шарифнинг фарз рўзасини адо этишни барчамизга насиб қилди. Серқуёш юртимизнинг жазирама қуёшли кунларида барча юртдошларимиз иймон билан, сабр билан рўза тутди. 

Нияти пок, мақсадлари улуғ халқимизнинг шу табаррук кунларда қилаётган барча ибодатлари, эзгу дуолари ижобат бўлсин! Юртимизни каронавирус балоси тезроқ тарк этсин. 

Мен сизлардан таассуф билан шуни сўрамоқчиманки, падимия сабаб ҳайит айёмини кўчага чиқмасдан, оила даврасида ўтказайлик. Бугунги бирдамлигимиз халқимизнинг эртанги кунининг хотиржам ўтишини таъминлайди. Шунинг учун барчангизни бирдамликка чорлайман.    

Яна бир бор муқаддас айём – Рамазон ҳайити барчамизга муборак бўлсин!

Хуррам Жураев,
Чироқчи тумани ҳокими.


Ўхшаш янгиликлар

Янгиликларга обуна бўлинг

Бизнинг хабарномамизга обуна бўлиш учун қуйидаги электрон почта манзилингизни киритинг

Биз ижтимоий тармоқларда
Календарь
«    Март 2024    »
ПнВтСрЧтПтСбВс
 123
45678910
11121314151617
18192021222324
25262728293031
ИНТЕРАКТИВ ХИЗМАТЛАР