Ушбу семинарларда умумий ўрта таълим мактабларида вариатив ўқув режаларини тажриба-синов ишларининг мазмун мохияти, олдинда турган вазифалар тўғрисида батафсил тушунтириш ишлари олиб борилди.
Вариатив ўқув режага асосан 10-11 синфларда ташкил этиладиган танлов синфлар 5 та йўналишда хорижий тил ва филология, молия-иқтисод, технология, табиий фанлар ва ижтимоий-гуманитар йўналишларини танлашда ўқувчилар ўртасида сўровнома ўтказиш орқали ташкил этилиши юзасидан тегишли тавсиялар берилди.
Туманда умумий ўрта таълим мактабларида вариатив ўқув режаларини тажриба-синовдан ўтказиш мақсадида 2019-2020 ўқув йилининг 3-чорагидан бошлаб 36-, 39-, 63-, 103-, 140-, 151-, 156-, 170-мактаблар ва 6-, 8-ихтисослаштирилган мактаблар тажриба синов мактаблари этиб белгиланди.
