Туман ҳокимлиги мажлислар залида 2020 йил 1 январдан кучга кирган янги таҳрирдаги Солиқ кодекси тарғиботига бағишланган семинар бўлиб ўтди
Семинарда вилоят Давлат Солиқ бошқармаси вакиллари, туман ҳокимининг биринчи ўринбосари ва соҳа мутасаддилари иштирок этишди.
Тадбирда мутахассислар янги таҳририда қабул қилинган солиқ кодексига киритилган ўзгартиришлар хусусида солиқ тўловчилар атрофлича тушунчалар беришди.
Семинар доирасида тадбиркорлар ва бухгалтерларга янги таҳрирдаги Солиқ кодекси амалга киритилиши билан боғлиқ энг кўп учрайдиган саволларга жавобларни ўз ичига олган «Солиқ-плюс» - «Налоги плюс» газеталарининг махсус сони тарқатилди.
Шунингдек иштирокчилар ўзларини қизиқтирган саволларга мутасаддилар томонидан жавоблар олишди.
