UZ RU
Menyu
» » “Насаф” футболчилари Чироқчи туман 1-сонли Болалар ўсмирлар спорт мактаби тарбияланувчилари билан учрашди

“Насаф” футболчилари Чироқчи туман 1-сонли Болалар ўсмирлар спорт мактаби тарбияланувчилари билан учрашди

Хабарингиз бор, ёшлар ўртасида соғлом турмуш тарзини кенг тарғиб қилиш, асосийси - қишлоқ ёшлари ичидан энг иқтидорли спортчиларни танлаб олиш мақсадида Қашқадарё вилоятида оммавий спорт тадбирлари ўтказилмоқда. 

Шу жумладан, Қашқадарё вилоятининг “Насаф” футбол клуби ҳам бунга ўзининг кичик ҳиссани қўшиш мақсадида бир қатор тадбирлар ўтказиб келмоқда.

Бугун “Насаф” футбол клуби ва Чироқчи туман ҳокимлиги ҳамкорлигида туманидаги 1-сонли Болалар ва ўсмирлар спорт мактабида учрашув ташкил қилинди. Унга “Насаф” жамоаси раҳбарияти ва футболчилари ташриф буюришди. 

"Насаф" кулуби раҳбарияти ва футболчиларини Чироқчи тумани ҳокими Хуррам Жураев кутиб олди. 

Учрашув аввалида кулуб устози Рўзиқул Бердиев сўзга чиқиб, БЎСМ тарбияланувчиларига клуб ва футболчилар ҳақида маълумот берди.

Сўнг болажонлар ўзлари севган футболчиларга ўзларини қизиқтирган саволлар билан мурожаат қилишди. Суҳбат давомида Бобур Абдухолиқов, Ойбек Бозоров каби ўйинчилар катта футболга қай тариқа кириб келганликлари, муҳим учрашув ва мусобақалар олдидан қандай тайёргарлик олиб боришлари ҳамда ёш болаларнинг ўзлари каби машҳур спортчи бўлиб етишиш учун нималар қилишлари лозимлиги ҳақида гапириб ўтишди.

Учрашув давомида “Насаф” аъзолари 1-сонли БЎСМ тарбияланувчиларига турли хил совға-салом ва спорт анжомларини тақдим қилишди. Шунингдек, "Насаф" кулуби футболчилари БЎСМ тарбияланувчиларига "мастер-класс" ўйинларини кўрсатишди. Шундан сўнг, болажонлар ўзлари ҳавас қиладиган футболчилар билан эсдалик учун суратга тушиш имконига эга бўлишди. Учрашув нияҳоясида Чироқчи тумани ҳокими Хуррам Жураев “Насаф” кулуби раҳбариятига ҳамда
футбол клубига омад тилади.
Кликните на изображение чтобы обновить код, если он неразборчив