Халқ депутатлари Чироқчи тумани Кенгашининг 81-сессияси бўлиб ўтди.
Сессияда: 
Чироқчи тумани ИИБ бошлиғи А.Бешимқуловнинг ҳуқуқбузарликлар профилактикаси ва жиноятчиликка қарши кураш бўйича амалга оширилган ишлари, профилактика инспекторларини лавозимга тайинлаш тўғрисида ҳисоботи;
Туман ҳокимининг қурилиш, коммуникациялари комунал хўжалик, экология ва кўкаламзорлаштириш масалалари бўйича ўринбосари Б.Норқобиловнинг дастурларининг ўз муддатида бажарилиши ва ижтимоий соҳа объектларни куз-қиш мавсумига тайёрлаш, қишни беталофат ўтказиш тўғрисидаги ҳисоботи;
Тумандаги мактаб ва мактабгача таълим муассасаларида 2023-2024-ўқув йилида амалга оширилиши лозим бўлган муҳим чора-тадбирлар юзасидан туман Мактабгача ва мактаб таълим бўлими мудири Ф.Жумановнинг ҳисоботи; 
2023-йилнинг III чорагида жисмоний ва юридик шахслардан келиб тушган мурожаатларни корхона ва ташкилотлар томонидан кўриб чиқилиши тўғрисида Халқ қабулхонаси мудири А.Насруллаевнинг ахбороти; 
Камбағалликни қисқартириш ва бандликка кўмаклашиш бўлими ҳамда ҳоким ёрдамчилари, маҳалла раислари томонидан 2023-йил III чораги давомида амалга оширилган ишлар тўғрисида туман Камбағалликни қисқартириш ва бандлик бўлими бошлиғи Р.Қодировнинг ҳисоботи;
"Чироқчи озиқ-овқат деҳқон бозори” МЧЖ раиси И.Ибодуллаевнинг ҳисоботи;
Давлат кадастр палатасининг Қашқадарё вилояти бошқармаси Чироқчи тумани филиали бошлиғи З.Сафаровнинг туманда олиб бораётган ишлари бўйича 10 ойлик ҳисоботи ва бошқа масалалар депутатлар томонидан тингланди.
Шунингдек, маҳаллий Кенгаш депутатлари томонидан Олий таълим муассасаларига кириш кўрсаткичи паст умумий ўрта таълим мактабларида юқори натижаларга эришган мактаб директорлари иш олиб бориши "Чироқчи тажрибаси сифатида" жорий этилиши сессияда таклиф этилди.
Айни шу тажриба тумандаги мактабгача таълим ташкилотлари фаолиятида ҳам жорий этилиши белгиланди. Сессия давомида 51-сонли умумий ўрта таълим мактаби директори Қуддуз Садриев қизил тоифадаги 53-сонли мактабга ўз фаолиятини давом эттиришини таъкидлади. 
12-сонли Мактабгача таълим ташкилоти директори Кумуш Бутаева қамров даражаси паст мактабгача таълим муассасасида иш бошлашини билдирди.
Сессия иши тўғрисида оммавий ахборот воситалари орқали кенг жамоатчиликка маълумот бериб борилди.
