Юртимизда ёшлар бандлигини таъминлаш борасида барқарор пойдевор яратилаётганига барчамиз гувоҳ бўлиб турибмиз.
Хусусан Чироқчи тумани ИИБ ЙҲХБ томонидан биринчи маротаба трактор транспорт воситасини бошқариш учун ҳайдовчилик гувоҳномаларини олаётган ёшларга ҳайдовчилик гувоҳномалари топширилмоқда.
- Биринчи маротаба трактор транспорт воситасини бошқариш учун ҳайдовчилик гувоҳномаларини олаётган ёшларимиз келгусида ўз олиласига моддий даромад олиб келади,- дейди Санжар Анварович Умаров Чироқчи тумани ИИБ ЙҲХБ бошлиғи. - Махсус дарс соатлари давомида олган билимлари эса уларга бир умр йўлдош бўлди. Шундай экан автотранспорт воситасини бошқаришдан олдин албатта махсус дарс соатларини ўзлаштириш ҳамда имтихонларни аълога топшириш жоиз.
128 соатлик дарс соатларини пухта ўзлаштирган ёшлар бугун биринчи маротаба трактор транспорт воситаси ҳайдовчилик гувоҳномаларини олишди.
Бугун ёшлар жамиятни орқасидан эргаштирувчи қудратли кучга айланмоқда. Яратилаётган имкониятлар эса албатта халқимиз турмуш тарзи фаровонлиги учун хизмат қилмоқда.
