Чироқчи туман ҳокимлиги ташаббуси билан, бугунги кунда ғалладан бўшаган ер майдонларини ёшларга ва ижтимоий ҳимояга муҳтож оилалар вакилларига такрорий экин экиб даромад олишлари учун доимий иш билан банд бўлмаган 50 нафар ёшларга 30 сотихдан ер ажратиб берилди. Деҳқончилик ҳадисини олган ёшлар ғалладан бўшаган ер майдонларини август ойи бошларида экиладиган сабзи, шолғом каби экин турларини экишга ҳозирлашмоқда.
 |  |
Бугун ушбу ташаббус туман бўйлаб кенг қулоч ёзди. Хусуан "Мустақиллик" маҳалласидаги "Болсувор илғори", "Жуманазар Махмараимович" ва "Болсувор кўрки" сингари фермер хўжаликларининг ғалладан бўшаган ер майдонлари шудгор қилиниб ёшларга бўлиб берилган. Кимдир мош, картошка ўруғларини ерга қадаган бўлса, сабзи, шолғом, туруп сингари экин турларини экишни режалаштирган ёшлар унумдор ерларни экин экишга тайёрлашмоқда.
 |  |
-Бугун маҳалламиздаги тенгдошларим билан бизга экин экиб даромад олишимиз учун ер майдони ажратиб берилди. Бизга ажратилган ерларга дуккакли ва полиз экинлари экяпмиз, - дейди ёшлардан бири. - Ердан яхши даромад олиб, оиламиз даромадига ҳиссамизни қўшишимиздан жудаям хурсандмиз.
