Тумандаги 119-умумтаълим мактабида буюк мутафаккир Алишер Навоий таваллудига бағишлаб “Алишер Навоий – шеърият даҳоси” мавзуида адабий-маърифий тадбирлар, навоийхонлик кечаси ташкил этилди.
– Ёшлар қалбида ватанпарварлик, миллий қадриятларимиз, хусусан, она тилимизга ҳурмат туйғуларини юксалтиришда Алишер Навоий ижоди алоҳида аҳамият касб этади, – дейди мактабнинг маънавий-маърифий ишлари бўйича директор ўринбосари Бунёд Далиев. – Улуғ шоир ҳаёти ва бой адабий меросини ёшлар катта қизиқиш билан ўрганмоқда. Ўқувчилар ўртасида ғазал ва рубойиларни ифодали ўқиш ва шоир ижодига оид иншо ёзиш бўйича танловлар ўтказилмоқда.
