Учрашувда тадбиркорлик қилиш ниятида юрган ёшлар томонидан билдирилган таклифлар мутасадди раҳбарлар томонидан қўллаб-қувватланди. Хусусан, Аъзамжон Рахматуллаев маҳаллада ёшлар учун спорт майдончаси ва сайилгоҳ қуриш ниятида эканлигини билдирди. Шунингдек, Жанобиддин Абдухамидов замонавий боғдорчилик тармоғини яратиш ниятида эканлиги аммо ер майдони йўқлигини ўртага ташлади. Туман ҳокими ўринбосари томонидан унга боғдорчилик қилиш учун 10 гектар лалми ер майдони ажратиб беришда амалий ёрдам беришга ваъда берди.