Тарихдан бизга маълумки, йўлларнинг инсоният тараққиётига тутган ўрни юқори бўлган. Йўл орқали халқлар бир-бири билан савдо-сотиқ ишларини олиб борган, маданиятлар алмашишган ва ҳарбий соҳада ҳам зарур ютуқларга эришилган. Ҳақиқатда ҳам йўлнинг равон бўлиши инсоннинг вақтини, иқтисодини тежайди, узоғини яқин қилади.
Туман марказидаги Хонжон кўчаси, Чироқчи деҳқон озиқ-овқат бозори олдида машиналар тирбандлигининг олдини олиш мақсадида кенг кўламли қурилиш ишлари бошлаб юборилди. 
Туман йўллардан фойдаланиш унитар корхонаси томонидан айни кунларда мазкур йўлни икки қатнов қисимга ажратиш ишлари олиб борилмоқда. Туман ҳокими Х.Жураев қурилиш ишлари билан бориб танишди ва йўлсозларга ишларни янада жадаллаштириш кераклигини таъкидлади.
Ушбу лойиҳа орқали бир неча йиллардан буён туман аҳолисига ноқулайлик тўғдириб келаётган тирдандлик ва автотураргоҳ муаммоси ҳал этилади. Туман раҳбарининг ташаббуси билан мазкур муаммо ўз ечимини топди. Бу каби қилинаётган ишлар албатта халқ манфаати учундир.
