Бугун вилоят ҳокими ўринбосари Илхом Арзиқулов Чироқчи туманида жазони ижро этиш муассасаларидан озод этилган фуқаролар хонадонида бўлди.
 |  |
Илхом Арзиқулов туман ҳокими ўринбосари Эркин Арзиев ҳамда туман ИИО ФМБ вакиллари ва туман бош имом-хатиби Бекзод Нарқуловлар ҳамрохлигида жазони ижро этиш муассасасидан қайтган фуқаролар ҳолидан хабар олиб, уларга "Саховат ва кўмак" умумхалқ ҳаракати доирасида озиқ-овқат махсулотлари тарқатди.
 |  |
Фуқаролар билан бўлган суҳбати давомида И.Арзиқулов бугунги синовли кунларда ҳар бир фуқаро Давлатимиз Раҳбарининг доимий эътиборида эканлигини алоҳида таъкидладилар.
Вилоят ҳокими ўринбосари жазони ижро этиш муассасасидан қайтган фуқароларнинг уй-жой, тиббий ёрдам, нафақа ва моддий ёрдам каби уларни қийнаётган масалаларни ўрганди ва мавжуд муаммоларнинг ўз вақтида ҳал этилиши юзасидан мутасадди ташкилот вакилларига кўрсатмалар берди.
Вилоят ҳокими ўринбосари жазони ижро этиш муассасасидан қайтган фуқароларнинг уй-жой, тиббий ёрдам, нафақа ва моддий ёрдам каби уларни қийнаётган масалаларни ўрганди ва мавжуд муаммоларнинг ўз вақтида ҳал этилиши юзасидан мутасадди ташкилот вакилларига кўрсатмалар берди.
 |  |
Шунингдек, уларга айни пайтда уйда ўтириб, ўз ва яқинлари саломатлигини асрашлари лозимлиги тушунтирилди.
Чироқчи туман ҳокимлиги ахборот хизмати
