Ғалабанинг 75 йиллиги: Чироқчилик уруш фахрийлари

Иккинчи жаҳон уруши тарихда бутун инсоният бошига оғир кулфатларни солган мисли кўрилмаган даражада катта ва даҳшатли уруш бўлди.1939-йил 1-сентябр куни фашистлар Германияси қўшинларининг Полшага бостириб кириши билан бошланган бу уруш жаҳоннинг 61 мамлакатини, ер шари аҳолисининг 80 фоизини яъни 1,7 млрд. кишини, жумладан, СССР таркибига кирган барча республикалар, мухтор округлар, шу қаторда, Ўзбекистон халқи ҳам уруш гирдобига тортилди. Ишчилар, хизматчилар, деҳқонлар, зиёлилар, талаба ёшлар ўз Ватанларини ҳимоя қилишга, юзма-юз жангларда босқинчиларни тор-мор этиш учун урушга боришга, ғалабани таъминлаш учун фронт орқасида фидокорона меҳнат қилишга тайёр эканликларини билдирдилар.
Ана шундай мард ва жасур ўғлонлар орасида айни вақтда Чироқчи туманида истиқомат қилувчи Жўра бобо Ёдгоров, Абдухолиқ бобо Боймиров, Жуманиёз бобо Хўжаёров, Эргаш бобо Қўшвақтовлар ҳам бор эди. 

Бугун туман ҳокими Хуррам Жураев Тошли маҳалласида яшовчи Жуманиёз бобо Хўжаёровнинг хонадонида бўлди.  102 ёшни қарши олаётган Жумаеиёз бобони 9 май - Хотира ва Қадрлаш куни муносабати билан самимий қутлади.

Туман раҳбари билан суҳбатда Жуманиёз ота уруш вақтларини, ўзи қон кечиб елкама-елка жанг қилган сафдошларини, фронтда ўтказган кунларини ёдга олди. 

Туман ҳокими томонидан уруш фахрийсига Ўзбекистон Республикаси Президенти томонидан юборилган медал, ташаккурнома, 10 миллион сўм миқдорда пул маблағлари ҳамда 

"Ўзбекистонлик иккинчи жахон уриши қахрамонлари, Ўзбекистон ҳалқининг фашизм устидан қозонилган ғалабага қўшган ҳиссаси" номли китоблар тўплами;

Россия Федерацияси томонидан юборилган ғалабанинг 75 йиллиги медали; 

Чироқчи туман ҳокимлиги томонидан ташкиллаштирилган эсдалик совғалари топширилди.