Ишонч телефони:

8 (375) 56-22-002

Оила ҳаловати – улуғ неъмат

--- 15-май, 15:589 429

Бахтли оилалар туфайли бахтли жамоа вужудга келади. Чунки бахтли ота-оналар бахтли болаларни улғайтирадилар, бир-бирига меҳр қўйган ота-оналарнинг фарзандлари ҳам бир-бирларига меҳр қўядилар.

Оила ҳар бир халқнинг, миллатнинг давомийлигини сақлайдиган, миллий қадриятларнинг ривожини таъминлайдиган, янги авлодни дунёга келтириб, уни маънавий ва жисмоний баркамол қилиб тарбиялайдиган, жамиятнинг асосий негизи ҳисобланувчи муқаддас маскандир.
Оила – кишилар ҳаётининг энг муҳим қисми, фуқаролик жамиятининг таянч нуқтасидир. Бу муқаддас масканда инсон дунёга келади, айнан мана шу ерда у маънавий ва ахлоқий жиҳатдан камол топади.

– Ҳар бир инсон оилада камолга етади, ҳаётни оила орқали англайди ва улғайиб ўзи ҳам яна бир оила эгаси бўлади. – Бундан 17 йил аввал турмуш қурганмиз, – дейди Шерали Норматов. – Яратганга шукр, уч нафар фарзандимиз бор. Уларни ўқитиб, касб-ҳунарли, уйли-жойли қилиш, камолини кўришдек, бахт бўлмаса керак ота-она учун. Турмуш ўртоғим Мушарраф Нурқобилова мактабгача таълим ташкилотида мудира ўзим эса маҳалламиздаги касб-ҳунар коллежида ишлайман. Оилавий тадбиркорлик билан шуғулланамиз. Меҳнатимизга, ҳаракатимизга яраша даромад қиламиз. Оиламиз тинч, рўзғоримиз бут.  Инсон учун оилавий хотиржамликдан улуғ неъмат йўқ экан. Оилангиз тинч, аҳил бўлса, ҳамма ишларингиз юришиб, барча мақсадларингизга етар экансиз.
Оила ҳаловати жуда улуғ неъмат саналади. Шу маънода оила ҳаётининг бахт-саодати ва хотиржамлигида эр ва хотин, қайнона ва келин, ота-она ва фарзандлар ўртасидаги муомаларига эътибор бериш лозим бўлади. Оила муҳитидаги юксак маънавий муҳитни ташкил этишда оила-аъзоларининг, айниқса, эр ва хотиннинг ўзаро муроса-мадорага бориши, ғазаби келганда уни енгиши ва ширин сўзли бўлиши, шу билан бирга, оилавий сирларни кўчага олиб чиқмаслиги сингари бир қатор омиллар жуда катта аҳамият касб этади.

Ўхшаш янгиликлар

Янгиликларга обуна бўлинг

Бизнинг хабарномамизга обуна бўлиш учун қуйидаги электрон почта манзилингизни киритинг

Биз ижтимоий тармоқларда
Календарь
«    Май 2022    »
ПнВтСрЧтПтСбВс
 1
2345678
9101112131415
16171819202122
23242526272829
3031 
ИНТЕРАКТИВ ХИЗМАТЛАР