Ishonch telefoni:

+99 875 562 30 09

Оилага эътибор келажакка, ўзлигимизга эътибордир

--- 15-май, 11:019 1 297


Ҳар бир инсон оилада камолга етади. Унинг келажакда қандай инсон бўлиб етишиши шу оиладаги муҳитга ҳар жиҳатдан боғлиқ. Президентимиз Шавкат Мирзиёев таъкидлаганидек, оилага эътибор – ўзлигимизга эътибордир. Оилани сақлаб қолмасак, биз ўзлигимизни йўқотамиз.
Мамлакатимизда оилалар мустаҳкамлигини, уларда ижтимоий-маънавий муҳит барқарорлигини таъминлаш, жамият фаровонлигини юксалтиришга қаратилган тизимли ислоҳотлар амалга оширилмоқда. Конституциямизда ҳам оила тўғрисида алоҳида боб ажратилиб, оила манфаатлари муҳофаза қилинаётганлиги ва оила мустаҳкамлиги тамойиллари белгиланиб, кафолатланганлиги бежиз эмас.
– Бугунги шиддатли ҳаёт ҳар бир оила аъзосидан маънавий комилликни талаб этмоқда, – дейди Инобат Содиқова. – Маърифий юксак оиланинг жамиятда ўрни баланд ва обрўли бўлади. Турмуш ўртоғим Нурмухаммад Астанаев суғурта компаниясида ишлайди. Етти фарзанд тарбиялаб, вояга етказдик. Ўзим айни пайтда Чироқчи туманидаги Навоий маҳалла фуқаролар йиғинида маҳалла раиси вазифасида меҳнат қиламан. 
Халқимизга хос миллий урф-одат ва анъаналарнинг бардавомлиги, тарих ҳамда келажакнинг узвийлиги, асосан, оила билан боғлиқдир. Шу боис унинг жамиятдаги ўрнини мустаҳкамлашга, миллий қадриятларимизни асраб-авайлаб, келгуси авлодларга етказишда маҳалланинг ўрни муҳим аҳамият касб этади.
Оила – жамият таянчи, кучли давлатнинг мустаҳкам пойдеворидир. Ҳар бир мамлакатнинг тараққиёти оилалар фаровонлиги, унда вояга етаётган фарзандларнинг соғлом ва баркамоллиги билан боғлиқ. Шу боис юртимизда оила институтини янада мустаҳкамлаш, унинг жамият ҳаётида масъулиятини оширишга алоҳида эътибор қаратилиши натижасида намунали оилалар сафи йил сайин кенгайиб бормоқда.
O‘xshash yangiliklar

Yangiliklarga obuna bo‘ling

Bizning xabarnomamizga obuna bo‘lish uchun quyidagi elektron pochta manzilingizni kiriting

Biz ijtimoiy tarmoqlarda
Kalendar
«    Июль 2024    »
ПнВтСрЧтПтСбВс
1234567
891011121314
15161718192021
22232425262728
293031 
INTERAKTIV XIZMATLAR