Коронавирус пандемиясининг тарқалиши Чироқчи туманида ижтимоий ҳимоя дастурини янада кенгроқ ва тезкор шакллантириш заруратини юзага келтирди. Корхона ва ташкилот раҳбарлари, тадбиркорлар, саховатли кишилар ўз ҳудудларидаги кам таъминланган, имконияти чекланган ҳамда боқувчисини йўқотган оилалар, ёлғиз кексалар яшаётган хонадонларга бугун ҳар қачонгидан кўпроқ ташриф буюришмоқда. Аҳоли камбағал қатламининг яшаш шароитини фаровонлаштириш борасида ҳам муайян қадамлар ташланаётир. Саховатли инсонлар ташаббуси билан ижтимоий ҳимояга муҳтож оилаларга беғараз ёрдам қўллари чўзилмоқда.
—Эл бошига иш тушган кунларда камбағал оилаларга берилаётган бу эътибордан жуда-жуда мамнунмиз. Бугун менга бир бош қўй беришди,-дейди “Обод” маҳалла фуқаролар йиғинида яшовчи Ойдин Дусмуродова. — Президентимизнинг мамлакатимизда камбағалликни тугатиш борасида олиб бораётган ташаббуслари беқиёс савобли иш. Уни оддий сўзларда ифодалаш қийин. У кишининг имконияти чекланган оилаларга кўрсатаётган бу каби мурувватли ишлари албатта тарих саҳифаларига битилажак.
—Эл бошига иш тушган кунларда камбағал оилаларга берилаётган бу эътибордан жуда-жуда мамнунмиз. Бугун менга бир бош қўй беришди,-дейди “Обод” маҳалла фуқаролар йиғинида яшовчи Ойдин Дусмуродова. — Президентимизнинг мамлакатимизда камбағалликни тугатиш борасида олиб бораётган ташаббуслари беқиёс савобли иш. Уни оддий сўзларда ифодалаш қийин. У кишининг имконияти чекланган оилаларга кўрсатаётган бу каби мурувватли ишлари албатта тарих саҳифаларига битилажак.Чироқчи туман ҳокимлиги Ахборот хизмати.
