Чироқчи туман ҳокимлиги мажлислар залида диний оқимларга қарши курашиш, интернет тармоқларида диний мавзудаги асосланмаган маълумотлар тарқатилишини олдини олиш масаласида йиғилиш ўтказилди.
Йиғилишда Қашқадарё вилояти ҳокимининг ўринбосари Илҳом Арзиқулов иштирок этиб, тумандаги ҳолат сектор ва мутасадди раҳбарлар иштирокида таҳлилий муҳокама қилинди. Мавжуд камчиликлар юзасидан кўрсатмалар берилди.
Йиғилишда шунингдек, ташкилий масала ҳам кўрилди. Унда шу кунга қадар Чироқчи туман ҳокимлиги вояга етмаганлар ишлари бўйича ҳудудий идоралараро комиссияси масъул котиби вазифасида фаолият юритиб келаётган Халилов Бердиёр Холмуродович Ўзбекистон Республикаси Вазирлар Маҳкамаси ҳузуридаги Дин ишлари бўйича қўмитаси Қашқадарё вилояти ҳудудий бошқармасининг Чироқчи тумани бўйича бош мутахассиси этиб тайинланди. 
