Еттитом қўрғони ободонлаштирилади Чироқчи тумани Еттитом қўрғонида А-378 "Самарқанд-Ғузор" автомагистрал йўл ёкасида жойлашган турар ва нотурар объектларнинг фасадини замонавий кўринишга келтириш юзасидан тайёрланадиган лойиҳа таклифлар бўйича Штаб ташкил этилган. Мазкур Штаб асосан, тадбиркорлик объектларни шахарсозлик нормалари асосида барпо этишга қаратилган. Чироқчи тумани ҳудудини кесиб ўтувчи А-378 "Самарқанд-Ғузор" автомагистрал йўли ёқасидаги Еттитом қўрғончасида қад кўтарган маиший хизмат кўрсатиш шаҳобчаларини шаҳарсозлик намуналари асосида қуриш ва атрофини ободонлаштириш ишларини янада жадаллаштириш кераклиги хусусида бугун туман прокурори Баҳодир Худойқулов ва ИИО ФМБ бошлиғи Актамали Бешимқуловлар маиший хизмат кўрсатиш шаҳобчаларига бирма-бир кириб тадбиркорлар билан алоҳида суҳбатлашишди. Сектор раҳбарлари томонидан табдиркорларга берилган тушунтириш ишлари тез фурсатда ўз натижасини кўрсатади. Еттитом қўрғонидаги савдо ва маиший хизмат кўрсатиш шаҳобчалари замонавий шаҳарсозлик намуналари асосида қайта чирой очиб, қўрғон кўркига кўрк қўшади.
