Халқимиз азалдан ҳар қарич ернинг қадрига етиб, ундан ризқу-насиба ундиради. Шу боис, томорқани хазинадек эъзозлайди. Зеро, кундалик эҳтиёжга зарур бўладиган озиқ-овқатнинг аксарияти айнан шу бир парча ерда ундирилади.
Туман марказидан олис 1-сектор ҳудудидаги "Кўкдала" маҳалласилик "Аёллар дафтари"га киритилган Зебо Муминова ва Холида Бўриевалар томорқасидан унумли фойдаланаётган уддабурон тадбиркор аёллардан. Улар бўш вақтларидан унумли фойдаланиб томорқасида деҳқончилик қилиб, олиласига моддий манфаатдорлик олиб келишни мақсад қилишган. Бугун Зебо Муминованинг томорқасида парваришлаётган эртаки тарвузлар ҳосил бериб уни қувонтираётган бўлса, Холида опанинг помидор кўчатлари гулга киришга шайланмоқда. -Маҳалладошларимиз томорқасида меҳнат қилиб, эртанги кунининг ғамини кўриши керак. Уйимиз олдидаги томорқа кўп йиллардан бери турмушимиз фаровонлигининг манбаига айланган, -дейди Зебо Муминова.
✍️Умар Жулбулов,
Халқ депутатлари вилоят Кенгаши депутати.
