Самарқандлик ёш шифокор Ислом Ғаниев Чироқчи туманидаги Шўрқудуқ оилавий шифокорлик пунктида иш бошлаганлиги ҳақида илгари хабар берган эдик. Кеча унга Президент қарори асосида белгиланган имтиёз доирасида 30 миллион сўмлик рағбат тўлови топширилди.Қўшни вилоятнинг Пастдарғом тумани Гумбаз маҳалласида истиқомат қилувчи Ислом Ғаниев 28 ёшда. 2019 йилда Самарқанд тиббиёт институтини тамомлаган. Ёш оила соҳиби.
Олис ҳудудда ишлаш бўйича шартномани вилоятимизда биринчилардан бўлиб имзолаган Ислом Шўрқудуқ оилавий шифокорлик пунктида 1,5 ставка оилавий шифокор ҳамда ҳудуддаги “Тез тиббий ёрдам” шохобчасида навбатчи шифокор сифатида ишламоқда. Унга бу рағбатлардан ташқари ижара тўлови ҳам тўлаб берилмоқда.
Ёш шифокор 30 миллион сўмни эскириб қолган "Матиз"и ўрнига янги автомашина олишга сарфлаш ниятида эканлигини маълум қилди
