Бугун Қашқадарё вилояти Халқ қабулхонаси мудири Фахриддин Жумаев бошчилигидаги ишчи гуруҳ вакиллари, вилоят ИИБ бошлиғи Шуҳрат Сотволдиев, вилоят ФВБ бошлиғи Фарҳод Мирзаев, вилоят ҳокимининг қурилиш ишлари бўйича ўринбосари Акбар Эшонқуловлар Чироқчи туманига ташриф бюрди. Вилоят Ишчи гуруҳига Чироқчи туман ҳокими Хуррам Жураев бошчилигида ҳоким ўринбосарлари, тумандаги ташкилот ва корхона рахбарлари ҳамда маҳалла фаоллари ҳамрохлик қилишди.
Ишчи гуруҳ вакиллари туман марказидан олис "Умакай" маҳалласида қилиниши керак бўлган ишлар аҳолини қийнаб келаётган муаммоларга ечим излади.
Ишчи гуруҳ вакиллари маҳалла ҳудудида жойлашган Умакай, Қучқорбулоқ, Сарсон, Олмазор, Олтипойга, Боғқишлоқ, Қизилтош сингари қишлоқлардаги мавжуд муаммоларни жойига чиқиб ўрганишди.
Ишчи гуруҳ томонидан ўтказилган ўрганиш давомида ҳудуддаги 5 та 61-,143-,134-,135-,136-сонли мактабларга олиб борувчи ҳамда таъмирталаб ички йўллар жами 40 км ички йўлларни шағаллаштириш, 2 та кўприкларни таъмирлаш 500 га яқин сим ёғочларни янгисига алмаштириш, 350 га яқин аҳоли хонадонларини оқлаш ва ободонлаштириш, лозимлиги маълум бўлди.
Шу куннинг ўзида маҳаллага махсус техникалар жалб қилиниб ҳашар ишлари бошлаб юборилди. Шунингдек, маҳаллада янгидан фаолиятини бошлаган ҳоким ёрдамчиси томонидан аҳоли хонадонларини хатловдан ўтказиш ишлари ҳам олиб борилмоқда.
